চজিনা
(Moringa oleifera Lam )
চজিনা মজলীয়া আকাৰৰ গছ ৷ চিৰাৰ গাত দীঘলিয়া থাকে৷ বীজ অনেক, ফুল বগা, পাত আৰু চিৰাত যথেষ্ট পৰিমাণে খনিজ দ্ৰব্য,ভিটামিন পোৱা যায়৷ চজিনা 'গুৰুচ্যাদি’ বৰ্গৰ অন্তৰ্গত৷ চজিনা অত্যন উপকাৰী বনৌষধি আৰু শৰীৰৰ বহু সমস্যা নিৰাময় কৰাত সক্ষম৷
চজিনা (Moringa oleifera Lam ) |
চজিনা আপুনাৰ বাবে ইমানেই গুনকাৰী যে সেইবিষয়ে হয়তু বহু ব্যক্তিয়ে অৱগত নহয় ৷ চজিনাক কেৱল মাত্ৰ সুখাদ্য হিচাপেও নহয় লগতে চজিনাই বহু বেমাৰৰ বাবে ঔষধ হিচাপেও কাম কৰে৷ চজিনা গছৰ বেলেগ বেলেগ অংশ যেনে -ছাল,মূল, ফুল, পাত, ফল সকলোতে বিভিন্ন ধৰনৰ পৌষ্টিক গুণ থাকে৷ আয়ুৰ্বেদত কোৱা হৈছে যে, চজিনাৰ ব্যৱহাৰৰ যোগেদি প্ৰায় ৩০০ সমস্যাৰ চিকিৎসা সম্ভৱ৷
চজিনা গছ সাধাৰণতে অসমৰ সকলো ঠাইতে জন্মে যদিও মানুহৰ ঘৰত প্ৰায় কম দেখা যায় আৰু এই গছ যথেষ্ট ওখ হয় ৷ চজিনা গছৰ পাত সৰু আকৃতিৰ আৰু ফুলবোৰ কেইবা ৰঙৰো হয়৷ চজিনাত কাৰ্বহাইড্ৰেট, প্ৰটিন, কেলচিয়াম, পটেচিয়াম, আয়ৰন, মেগনেছিয়াম, ভিটামিন এ, চি, ই আৰু বি কম্প্লেকচ প্ৰচুৰ মাত্ৰাত পোৱা যায়৷
- গাজৰ আৰু কমলাতকৈও গুনকাৰী চজিনাঃ
চজিনাৰ পাত ,চিৰা, ফুল আৰু শিপা সকলোতে ভৰপূৰ মাত্ৰাত প্ৰটিন, ভিটামিন, এমিন’ এচিড, এন্টিঅক্সিডেন্ট পোৱা যায় ৷ ইয়াৰ বীজে কলেষ্টৰেল নিয়ন্ত্ৰণ কৰে ৷ চজিনাত কমলাতকৈ ৭গুন অধিক ভিটামিন এ পোৱা যায় ৷ সেয়ে ইয়াৰ গ্ৰহনে ৰোগ প্ৰতিৰোধক শক্তি বৃদ্ধি কৰে ৷
ছালৰ উজ্জ্বলতা বঢ়ায় ৷ চকুৰ বিভিন্ন ৰোগ প্ৰতিৰোধ কৰে ৷ বিশেষকৈ কুকুৰীকণা প্ৰতিৰোধ কৰে ৷
- চৰ্দি জ্বৰৰ বাবে লাভকাৰী চজিনাঃ
বতৰ সলনি হোৱা ফলত হোৱা চৰ্দিজ্বৰ ধৰনৰ বেমাৰৰ পৰা ৰক্ষা কৰিব পাৰে চজিনাই ৷ চজিনাৰ ফল কফ, পিত্ত নাশক,অগ্নিবৰ্ধক ৷ ইয়াৰ দীঘল ফল খণ্ড খণ্ডকৈ কাটি ব্যঞ্জন কৰি খালে উক্ত ৰোগসমূহ প্ৰতিৰোধ কৰে ৷
- বাতবিষ আৰু হাঁড়ৰ বাবে অতি উপকাৰীঃ
আমবাত, গাঠিবাত আদিৰ বেদনাত মালিচ
কৰিলে বেদনাৰ উপশম হয় ৷
কৰিলে বেদনাৰ উপশম হয় ৷
- মুৰৰ বিষতঃ
চজিনাৰ বীজৰ চূৰ্ণ নাকেৰে শুঙিলে মূৰৰ বিষ গুচাব পৰা যায় লগতে আন শিৰো ৰোগৰো শান্তি হয় ৷
- পাইলচ ৰোগতঃ
স্ৰাৱ নোহোৱা পাইলচ ৰোগত চজিনা তেল ব্যৱহাৰ কৰিলে বিষ বেদনা কমে ৷
- (leprosy or white skin diesease) বা কুষ্ঠ ৰোগতঃ
চজিনাৰ গুটিৰ তেল লগালে সুফল পোৱা যায় ৷
চজিনা ফুল শক্তিকাৰক, কমোদ্দীপক, শোথ ৰোগ, যকৃত ৰোগ , প্লীহা বৃদ্ধি ৰোগীৰ সুপথ্য ৷ৰঙা চজিনা ফুল ৰক্তিপিত্ত ৰোগত হিতকৰ। চজিনা ফুল ক্ৰিমি নাশক ৷
পূৰঠ চজিনাৰ ফল সিজাই ললে ভিতৰৰ বগা বীজ ওলাই পৰে , আৰু উক্ত ৰোগৰ লগতে আন বহু ৰোগৰ বাবে হিতকৰ হয় ৷