5 ধৰণৰ আয়ুৰ্বেদিক চাহ খাওক আৰু ৰোগ প্ৰতিৰোধক ক্ষমতা শক্তিশালী কৰি গঢ়ি তুলক- 5 Ayurveda-approved homemade teas that can help you boost immunity in Assamese
SARS-CoV-2 ভাইৰাচৰ নিৰাময়ৰ বাবে বিজ্ঞানীসকলে দিন-ৰাতি কাম কৰি আছে৷ এই মাৰাত্মক ভাইৰাচে গোটেই বিশ্বতে পাঁচ মিলিয়নৰো বেছি লোক আক্ৰান্ত কৰিছে৷ একমাত্র ভাৰততে,এই ভাইৰাচে গঢ়ে পাঁচ দিনত প্রায় এক লাখ নিশ্চিত লোকৰ আক্রমণৰ গতিত বৃদ্ধি পাইছে।
কৰনা ভাইৰাছৰ বিৰুদ্ধে আমাৰ প্ৰতিৰক্ষা প্ৰনালী শক্তিশালী আৰু স্বাস্থ্যৱান কৰি ৰখা আটাইতকৈ ডাঙৰ প্ৰত্যাহ্বান হৈ পৰিছে৷ আৰু আমি সকলোৱে জানো যে, আয়ুৰ্বেদিক বনৌষধি আৰু অন্যান্য আয়ুর্বেদিক উপাদানসমূহৰ তুলনাত প্ৰতিৰক্ষা বৃদ্ধি কৰাৰ বাবে আন কোনো উৎকৃষ্ট বিকল্প নাই বুুুুুুলিয়েই কব পাৰি৷
মাটি আৰু বীজ সম্পৰ্কীয় আয়ুৰ্বেদিক সিদ্ধান্ত- The Ayurvedic theory of seed and land In Assamese
আয়ুর্বেদ অনুসৰি, আমাৰ দেহটো হৈছে মাটি আৰু সংক্রমণ বা পোকসমূহ হৈছে বীজৰ দৰে৷ যদি শৰীৰত “টক্সিন (আম)” পূর্ণ হৈ থাকে আৰু “ওজাস(ojas)” ৰ অভাৱ হয় (অৰ্থাৎ প্রাণশক্তিৰ দ্বাৰা পৰিপূৰ্ণ), তেতিয়া সংক্ৰমনে শৰীৰক আক্ৰান্ত কৰিবলৈ চেষ্টা কৰিব কাৰণ দেহে উর্বৰ ভূমিৰৃপে কাম কৰে। গতিকে, যদি আপোনাৰ হজম শক্তিশালী হয় আৰু শৰীৰত “আম(Toxin)” ৰ তুলনাতকৈ অধিক “ওজাস(ojas)” থাকে তেন্তে সংক্রমণৰ বীজ সেইধৰণে ধাৰণ কৰিবলৈ সক্ষম নহব যিদৰে উৰ্বৰা ভূমিত কৰিব পাৰে৷
আপোনাৰ শৰীৰক অধিক শক্তিশালী কৰি গঢ়ি তুলিবলৈ আয়ুর্বেদিক পৰামর্শক ডাঃ বিশাখা মাহিন্দু (Dr Vishakha Mahindoo, Senior Ayurvedic consultant) য়ে পাঁচবিধ চাহৰ বিষয়ে পৰামৰ্শ দিছে৷ আপুনি ঘৰতেই অতি সহজে এই চাহ তৈয়াৰ কৰি লব পাৰেঃ
1. আদা চাহ- Ginger tea
আদা চা বনোৱা অতিকৈ সহজ আৰু আদা চাহে হজম শক্তি বঢ়ায়, ঠাণ্ডা আৰু কাঁহৰপৰা মুক্তি দিয়ে আৰু পেটৰ অন্যান্য সমস্যা নিৰাময় কৰে৷
কিদৰে তৈয়াৰ কৰিব- How to make
½ চা-চামুচ আদা পিচি বা খুন্দি লওক৷ এক গ্লাচ পানীত পাঁচ ৰপৰা ছয় মিনিট উতলাওক৷ স্ট্রেইন কৰক আৰু চাহৰ দৰে খাওক৷
দ্রষ্টব্য: যিসকলৰ হাইপাৰএচিডিটি বা হাইপাৰটেনশন (hyperacidity or hypertension) আছে তেওঁলোকে এই চাহ গ্ৰহন কৰা আগে এটি ডাক্তৰৰ পৰা পৰামৰ্শ লওক ৷
2. দালচেনি চাহ- Cinnamon tea
দালচেনি চাহে ওজন হ্রাস কৰাত সহায়তা কৰে, আপোনাৰ হৃদৰোগৰ সম্ভাৱনা হ্রাস কৰে, ৰক্ত শর্কৰাক নিয়ন্ত্ৰণ ৰখাত সহায়তা কৰে আৰু বেক্টেৰিয়া আৰু ফাংগল সংক্রমণৰ বিৰুদ্ধে যুঁজ কৰে৷
কিদৰে তৈয়াৰ কৰিব- How to make
এক ইঞ্চি দালচেনি টুকুৰা লওক আৰু পাঁচ-সাত মিনিটৰ বাবে এক গ্লাচ পানীত সিদ্ধ কৰক। স্ট্রেইন কৰক আৰু চাহৰ দৰে পান কৰক।
3. তুলসী চাহ- Tulsi tea
তুলসীৰ পাতত এটা নহয়, অসংখ্য ঔষধীয় গুণ আছে। তুলসীয়ে আপোনাৰ ৰোগ প্রতিৰোধ ক্ষমতা বৃদ্ধিত সাহায্য কৰে, স্ট্রেসৰ স্তৰ হ্রাস কৰে আৰু ৰক্ত শর্কৰাৰ মাত্রা সন্তুোলিত কৰাত সহায়তা কৰে।
কিদৰে তৈয়াৰ কৰিব- How to make
চাৰি-পাঁচটা তুলসী পাত লওক আৰু 10 মিনিটৰ বাবে উতলা পানীত ৰাখি দিয়ক৷ আৰু ওপৰত ঢাকন দি ঢাকি দিয়ক৷
4. জিৰা চাহ- Jeera tea
জিৰা চাহ হজমত সহায়তা কৰে আৰু আপনাক অতিৰিক্ত মেদ কম কৰাত সহায়তা কৰে। এই সহজ চাহ বনোৱাৰ বাবে আপোনাৰ প্ৰয়োজন হব জিৰা, ধনিয়া বীজ আৰু মেথি বীজ।
কিদৰে তৈয়াৰ কৰিব-How to make
১ চা চামুচ জিৰা, ১ চা চামুচ ধনিয়া বীজ আৰু ১ চা চামুচ মেথি দানাৰ লগত মিহলাওক৷ এই সকলো এক কাপ পানীত সিদ্ধ কৰক। স্ট্রেইন কৰক আৰু চাহৰ দৰে খাওক।
5. তুলসী আৰু জালুকৰ চাহ- Tulsi black pepper tea
এই চাহ দুর্দান্ত প্রতিৰোধ ক্ষমতা বৃদ্ধিকাৰী আৰু মৌচুমী সংক্রমণৰ বিৰুদ্ধে যুঁজ কৰাত সহায়তা কৰে। এই চাহ তৈয়াৰ কৰাত আপোনাৰ প্রয়োজন তুলসী পাত, জালুক আৰু লং।
কিদৰে তৈয়াৰ কৰিব-How to make
তিনি-চাৰিটা তুলসী পাত, দুটা জালুক আৰু এটি লং লওক৷ এই সমস্ত উপাদানসমূহ 2 গ্লাচ পানীত সিদ্ধ কৰক।
দ্রষ্টব্য: গর্ভবতী মহিলাসকলে অৱশ্যই এই চাহ খোৱাৰ আগে ডাক্তৰৰ পৰামর্শ লব।
পৰামৰ্শ আগবঢ়াইছে -Dr Vishakha Mahindoo, Senior Ayurvedic consultant
আৰু পঢ়ক-
আয়ুৰ্বেদ অনুসৰি নিমখ কিমান পৰিমানে আৰু কেনেদৰে ব্যৱহাৰ কৰিব? - Medicinal and Other Uses Of Salt in Assamese
কলেষ্টৰেল হলে কি কৰিব? কি কি খাব আৰ কি নাখাব? সম্পূৰ্ণ ডায়েট চাৰ্ট জানো আঁহক- Choestorel in Assamese
আৰু পঢ়ক-
আয়ুৰ্বেদ অনুসৰি নিমখ কিমান পৰিমানে আৰু কেনেদৰে ব্যৱহাৰ কৰিব? - Medicinal and Other Uses Of Salt in Assamese
কলেষ্টৰেল হলে কি কৰিব? কি কি খাব আৰ কি নাখাব? সম্পূৰ্ণ ডায়েট চাৰ্ট জানো আঁহক- Choestorel in Assamese